Ilay Tranomborona Harafesina

 Nisy lehilahy iray antsoina hoe Said nipetraka tao an-tanana kely izay.  Tonga tao am-piangonana izy indray alahady maraina nitondra tranomborona harafesina, efa malezolezo ary napetrany teo ambony  pilopitra.

Nitsangana ny volomaso maro raha nanomboka niteny Said.

“Namakivaky ny tanana aho omaly no sendra zazalahy manakivilivily ity tranomborona ity avy nanatona ahy. Amin’ny lafin’ny tranomborona ambany dia misy voron-dia kely telo mangovitry ny hatsiaka sy ny tahotra.”

Nasaiko nijanona ilay zazalahy ka nanontaniako hoe, ”Inona anaka iny aminao iny?”

“An!an!an! Vorona antitra e!,”  hoy ny valiny.

“Hataonao inona ireo?”  hoy aho.

“Ho entiko mody dia hifalifaliana e!”  hoy izy.  “Hankasiahako dia hongotako ny volony dia amin’izay izy miady, tena hahafinaritra ahy izany!”

“Fa tsy maintsy ho leon’ireo vorona ireo ianao!dia hataonao ahoana avy eo?”

“An,an,an, manana saka maro aho,”  hoy ilay zazalahy,  “Ary tia vorona ireo, dia homeko azy!”.

Nangina kely Said.  “Ohatrinona no hama-rotanao ireo vorona ireo anaka?

“Fa ahoana?  Tsy ilainao ireo vorona ireo tompoko: vorona fahita eny an-tsaha, tsy mihira, tsy mahafatifaty akory!”

“Ohatrinona?”  Hoy indray Said. 

Nisaka paosy ralehilahy dia namoaka roa arivo.  Nataony teo an-tanan’ilay zazalahy.  Avy hatrany dia lasa ilay zaza.

Dia noraisiny ny tranomborona ary nentiny moramora teny amin’ny fiafaran’ny lalana feno hazo sy bozaka.  Napetrany ilay izy, nosokafany ny varavarany ary nope-pehany ny tranomborona handresy lahatra ireto vorona hivoaka.  Dia nanomboka nitantara izao izy: 

Tafaresaka Jesosy sy Satana indray andro.

Vao avy teny ambonin’ny tany Satana ka niedinedina sy nirehareha hoe,  “Eny Tompoko, baboko ny tany.  Nofandrihako, nampiasako jono, haiko fa tsy hahatohitra ireo. Baboko avokoa”.

Namaly Satana hoe,  “Ha! Hanaovako izay mahafinaritra ahy, hampianariko azy ny fomba fanambadiana sy fisarahana, ny fankahalana sy ny fanararaotana, ny fisotroan-toaka sy ny fifohana sigara sy zava-mahadomelina sy ny sisa …fila-tsahana amin’ny karazam-pahavetavetana rehetra ary ny fialana amin’ny tsara!  Hampianariko hamorona basy sy baomba ary fifamonoana izy ireo.  Tena hanome fahafinaretana ahy izany!”

“Hataonao ahoana izy rehefa leo azy ianao?”  hoy Jesosy.

“O! hovonoiko ireo”,  hoy Satana niedinedina sy nirehareha.

“Ohatrinona no ividianako azy ireo eo an-tananao?”  hoy Jesosy.

“An!an!an, fa hataonao inona ireo olona ireo?  Tsy misy ilana azy-nahoana?  Tianao izy nefa mankahala Anao. Handrora anao ireo, hanompa sy hamono Anao!  Hataonao inona koa ireo?”

“Ohatrinona?”  Hoy ihany Jesosy nanontany.

Nijery an’I Jesosy I Satana ary nihifikifika,

“Ny ainao sy ny ranao”.

Hoy Jesosy,  “VITA!”

Dia naloany ny vidiny.

ILAY ZAZALAHIKELY HANAN’NY HATSIAKA

Nisy zazalahikely nivarotra gazety teo an-joron-dalana maro olona.  Tena nangatsiaka loatra izy ka tsy niezaka namarotra gazety intsony.  Nanatona ilay polisy izy dia niteny hoe,  “Mba fantatrao ve tompoko azafady hoe aiza no mba mety hahitan’ity zaza mahantra ity toerana mafana azo atoriana anio alina?  Hainao moa?  Atsy amoron-dalana atsy aho no matory anaty baoritra ary tena hanaikitra ny hatsiaka ao androany alina.  Tena tsara raha mba mahita toerana mafana azo atoriana.”

Niondrika nijery ilay zazakely ilay polisy ka nanao hoe,  “Mandehana mizotra midina mankamin’iry trano fotsifotsy iry ary dondony ny varavarana.  Rehefa misy mamoha, dia mitenena foana hoe, ’Jaona 3:16’,  dia havelany miditra ianao”.

Dia nataony izany.  Niakatra ny tohatra izy ka nandondona ny varavarana ary nisy vehivavy namaly.  Niandrandra izy ka nanao hoe, ”Jaona 3:16".  “Mandrosoa anaka”.  Nentiny niditra izy ka nampitoeriny teo ambony seza mihetsiketsika misy fipetrahana mizarazara tsara, izay teo anoloan’ny fatana malalaka sy tranainy, dia lasa ravehivavy.  Nipetraka razazalahy dia nieritreritra hoe,. “Jaona 3:16…Tsy azoko izany fa tena manome hafanana zazalahy hanan’ny hatsiaka.”

Afaka kelikely dia niverina ravehivavy ka nanontany azy hoe, “Noana angaha ianao?”  Dia hoy izy hoe, “Eoa, somary noana ihany zaho.  Efa andro maromaro aho no tsy nisakafo ary ataoko fa afaka mba hisakafo kely aho.  Nentin-dravehivavy tany an-dakozia izy ka napetrany teo anoloan’ny latabatra feno hanim-py.  Nihinana mandra-pahavokiny tsy nahahinana intsony izy.  Avy teo dia hoy ny eritreriny:  “Jaona 3:16… Ah, zalahy e! tena tsy azoko ny dikany fa tena mahavoky ny zazalahy noana.”

Nentin-dravehivavy tany ambony rihana tao amin’ny trano fisaikana nisy “baignoire” lehibe feno rano mafana izy,  ka nipetraka tao ka nilona tao elaela.  Nilona tao izy dia nieritreritra hoe:  “Jaona 3:16… tena tsy azoko izany fa mampadio zazalahikely maloto.  Hainao?  Tsy mbola nisaika tena nisaika toy izao mihitsy aho teo amin’ny fiainako manontolo.  Ny mba tena nisaiako izao dia izaho nitsangana teo anoloan’ny fantsona lehibe sy tranainy rehefa manadio an’io ny olona”.

Niditra ravehivavy ka nahita azy.  Nentiny tany an’efitrano izy,  nampandriany teo amin’ny fandriana tranainy lehibe malemilemy karaha volomborona;  nampiakarin-dravehivavy hatreny an-tendany ny lambam-pandriana, dia nanoroka azy izy sady nirary azy ho tsara mandry, dia namono ny jiro.  Tao amin’ny maizina tao izy no nanopy ny masony teny am-baravarankely, ka nahita ny ranomandry nirotsaka tao anatin’io alina mamirifiry io, dia hoy izy,  “Jaona 3:16…tena tsy azoko fa kosa mampiala sasatra ity zazalahikely reraka ity”.

Ny marainan’io dia niverina ravehivavy ka nitondra azy nidina indray, tao amin’ilay misy latabatra lehibe feno hanim-py.  Rehefa avy nisakafo izy dia nentin’ilay vehivavy niverina tao amin’ilay efitrano nisy ilay seza mihetsiketsika efa tranainy malemilemy tsara, teo anoloan’ilay fatana ary nandray Baiboly lehibe efa tranainy izy.  Nipetraka teo anoloany izy ary nibanjina ny tarehiny mbola tanora.  “Azonao ve ilay hoe Jaona 3:16?”  hoy izy tamin’ny halemem-panahy.  “Tsia tompoko, tsy azoko izany, vao sambako nandre izany omaly alina rehefa nasain’ilay polisy nampiasa izany aho.”

Nosokafany ny Baiboly tao amin’ny Jaona 3:16 ary nanomboka nanazava ny mikasika an’I Jesosy izy.  Teo noho eo, teo anoloan’io fatana lehibe efa tranainy io, no nanoloran’ilay zazalahy ny fony sy ny fiainany ho an’I Jesosy.  Teo izy no nipetraka ka nieritreritra hoe,  “Jaona 3:16… tsy tena haiko fa manome fialofana ho an’ity zazalahy very ity.”

Hainao moa?  Tsoriko aminao fa izaho koa tsy mahatakatra izany hoe Andriamanitra nanaiky ny haniraka ny Zananilahy ho faty noho izaho, sy ny hoe ahoana no naneken’I Jesosy hanao zavatra toy izany; tsy takatry ny saiko ny fijalian’ny Ray sy ny anjely tsirairay tany an-danitra teo am-panatrehana an’I Jesosy nijaly sy maty.  Tsy azoko izany fitiavan-dalina nitiavan’I Jesosy AHY teo amin’ny hazofijaliana  hatramin’ny farany izany.  Tsy takatry ny saiko fa mahatonga ny fiainana mendrika iainana izany.

Jaona 3:16:  Fa toy izao no nitiavan’Andriamanitra izao tontolo izao, nomeny ny zanany Lahitokana mba tsy ho very izay rehetra mino Azy fa hanana fiainana mandrakizay.